Gosii 12 000 máná ja nuora Norggas dihtet juo man gelddolaš, somá ja hástaleaddji lea leat 4H-ar. Earát eai leat vel fuomášan ahte sii vuoiga leat duohta 4H-arat, ja áidna mii sis váilu, lea 4H-klubba.

Leat go okta mis?

Mii lea 4H-ar?

4H-ar liiko: Oažžut ođđa skihpáriid, vuolgit gelddolaš tuvrraide ja leairraide, dahkat kulas diŋggáid olgun - ja suohtastallat siste, doaimmahit ovttas earáiguin - ja divodit diŋggáid iešheanalas, fuomášit ahte nagoda eambbo go lei jáhkkán, mearridit ieš ja joksat iežas mihttomeriid. Lea  go dutnje oahpis?

Fáktát: 4H galgá ovdánahttit aktiivvalaš ja servodatberošteaddji nuoraid geain lea ovddasvástádusdovdu ja geat atnet luonddu ja olbmuid árvvus.

Váttis válljet? Liikot go elliide? Hábmemii (Designii)? Olgostallamii? Fiellostallat? Gođđit? Govvet? Mutuvrraide? Ráhkadit biepmu? Teáhterii? Muhto it várra olle geahččalit buot maid háliidat?

Gula: 4H-riin lea álkit go earáin. Sii eai oannát dárbbaš válljet dihto doaimma. 4H-as beasat geahččalit feara maid ja olu sierranas doaimmaid. Juste danne go mii diehtit ahte šattat sihke jierbmát ja ilolaččabun atnit sihke goruda ja oaivvi iešguđet láhkái.

Tuvrrat, leairrat ja iežat prošeavttat addet dutnje olu maid sáhtát válljet.
Maid don válljet?

Fáktát: Juohke jagi čađahit 4H-miellahtut prošeavtta, juogo okto dahje ovttas earáiguin 4H-klubbas. Sii válljejit ieža prošeavtta fáttá.

Gárvvis vuolgit ruovttus?

Páhkke oađđinseahka ja tealttá. 4H:s gávdnat mii álo ákka vuolgit leirii. Oanehis klubbatuvrrat oktan idjademiin, dolastallamiin ja bassimiin lea buorre. Fylkkaleairrat -  muttágis guhkkin eret ruovttus - gilvvuiguin, teáhteriin, spábbadoaškumiin, diskotehkain, geaidimiin ja fanastallamiin lea buoret.

Buot buoremus lea vuolgit riikkaleirii. Olles vahkku 4-H-riiguin mat bohtet juohke sajis riikkas. 
Guhkes geassebeaivvit main lea spággadievva prográmma ja almmatge buorre dilli dahkat ii maidege eará go leat ovttas.

Muhto leairrat eai bissán ruoŧaráji ala. Jus leat áŋgiris 4H-ar, oaččut fálaldaga vuolgit davviriikkalaš leirii dahje oassálastit riikkaidgaskasaš lonohallanprográmmaide mas beasat vásihit ođđa riikkaid ja máilmmiosiid.

4H:s sáhtát válljet vel leairrage 4H-prošeaktan. Časkke dan! Buorre mátkki!

Fáktát:
Juohke jagi ožžot 4H-miellahtut fálaldaga searvat leirii. Lea álggahallileaira nuoramusaide, ja fylkkaleaira, riikkaleaira dahje davviriikkalaš leaira boarrásepmosiidda. Gávdnojit maiddái riikkaidgaskasaš ovdánahttinprográmmat.

Leago miella mearridit ieš?

4H:s leat klubbamiellahtut ieža geat mearridit. Sii válljejit ieža stivrra miellahtuid gaskkas. Sii plánejit maid áigot dahkat ja gosa áigot vuolgit tuvrii. 4H:s lea buohkain riekti dadjat maid oaivvildit. Hávski, iigo nu?

Muhto muhtun háviid sáhttá leat váttis mearridit. Earenoamážit go buohkat eai leat ovtta oaivilis. 4H:s diehtit mii ahte šaddá buoret jus hárjehalat dan. Danne hárjehallat mii maiddái atnit earáid oaiviliid árvvus ja gávdnat čovdosiid maiguin buohkat sáhttet eallit. Dat gohčoduvvo demokratiijan.

Lihkus eai dárbbaš 4H-arat válljet áibbas iešheanalaččat. Buot 4H-klubbain leat rávis olbmot geaiguin sii sáhttet jearrat ráđi. Don mearridat!

Fáktát: 4H lea miellahttostivrejuvvon organisašuvdna mas miellahtut ieža mearridit maid háliidit dutkat ja man birra háhkat máhtu.


4H motto: Oahppat dahkamiin

Doarvái oaván bidjat searaid?

Dalle leat don mihtilmas 4H-ar. Mii jáhkkit namalassii ahte lea deaŧalaš beroštit.

4H-ar: berošta luonddus ja eará olbmuin, váldá ovddasvástádusa iežas mearrádusain, atná earáid oaiviliid árvvus, jáhkká buohkat sáhttet veahkkin leat ja ahte buohkat sáhttet šaddat buorebut hárjehallamiin, diehtá ahte buot luonddus ferte doaibmat ovttas jus máilbmi galgá šaddat buoret. Miehtá máilmmi gávdnojit badjel 7 miljovnna 4H-ara.
Dat ábuha!

4H-lohpádus: Mii lohpidit bargat dan mihttomeari guvlui ahte šaddat nuorran geas lea čielga oaivi, liegga váibmu ja buorre dearvvašvuohta.

Vuolggát go mielde?

Buorre – mii oaidnalit! 4h.no neahttasiiddus sáhtát lohkat eambbo 4H birra gos don orut.

Min guovddášárvvut: Čielga oaivi – Liegga váibmu – Čeahpes gieđat – Buorre dearvvašvuohta

 


Guvttiin sániin mii lea deaŧaleamos 4H:s?

Ordsky samisk


Váldde oktavuođa minguin