Har du lyst å skape trivsel for dei som er rundt deg og fremme 4H i lokalmiljøet ditt? Vil du lære meir om deg sjølv? Då håper vi du har valgt trivselsagent som prosjekt i år, og kan vere med på to fellessamlingar med andre trivselsagentar i fylket.

Her kan du lese meir om kvifor du bør velge trivselsagent som prosjekt. 

 

Trivselsagent er både eit individuelt prosjekt, og eit samarbeidsprosjekt med andre agentar i fylket.

 

Individuelt som trivselsagent, skal du gjennomføre eit trivselstiltak i klubben. Kansje kan du invitere til brettspelkveld? Du skal også gjennomføre eit trivselstiltak i heimbygda. Kansje har du ein, eller fleir naboar som er veldig glad i vaffler? Vi ønskjer også at du skal delta på minst eit fylkesarrangement der du bidra med leik, planlegging eller organisering. 

 

I samarbeid med trivselskoordinatorane Tare og Ingvild, ønskjer vi at du og alle dei andre trivselsagentane skal delta på to samlingar der du kan lære mykje meir om kva det vil seie å vere ein trivselsagent, dele erfaringar og delta på kjekke aktivitetar i lag med gruppa. 

 

Program til den første samlinga

Fredag 11.03.

kl. 18.00 - Oppmøte og innlosjering. 
kl. 18.30 - Bli kjent del 1

kl. 19.00 - Middag

kl. 20.00 - Første del av trivelskurset

kl. 21.00 - Bli kjent del 2

kl. 23.00 – Ro i hytta

 

Laurdag 12.03.

kl. 07:30 – Vekking

kl. 08:00 – Frukost

kl. 09.00 - Kurs

kl. 11.00 - Lunsj på bål

kl. 12.00 - Kurs ute

kl. 17.00 - Middag

kl. 19.00 - Quiz og spelkveld

kl. 21.00 - Fritid

23:00 – ro i hytta

 

Søndag 13.03

kl. 08.00 – Frukost

kl. 09.00 - Oppsummering av helga

kl. 11.00 – Lunsj

kl. 12.00 - Rydding, utsjekk og heimreise.

 

 - Forandring i programmet kan forekomme

 

Litt praktisk informasjon

Den første samlinga blir i Ørsta den 11.-13. mars, og påmeldingsfristen er sett til 02.03.2022.
Påmeldinga er bindande. 
Dette er samme helga som 4H Møre og Romsdal arrangerer Inspirasjonssamling i Molde.

 

Det blir overnatting på Åmås Events Guesthouse.

 

Vi vil vere litt ute og litt inne, så du treng klede og ein god dose positiv energi til dei ulike seansane denne helga.


Prisen er sett til 400 kr for å dekke overnatting og øvrige utgifter. 

 

For å melde deg på, går du inn via medlemsregisteret på "mine sider" www.4h.no, eller klikker øvst på dette arrangementet. 

 

Meir informasjon om samlinga blir sendt ut til dei påmeldte.