Kva er styreleiar sine oppgåver?

Styremedlemmene har ekstra kontakt og fokus på sine fadderklubbar.     

• vil utvikle 4H som organisasjon

• har tid og lyst til å delta på fylket sine arrangement

• prioriterer deltaking på dei 8 styremøta og fylkesstyreopplæringa høgt (vi lager møteplan for heile året)

• er alltid godt førebudd. Spør dei tilsette eller andre i fylkesstyret om hjelp!

• har lyst til å bli kjent med mange engasjerte 4H-arar over heile landet

• sjekkar e-posten ofte

• bidrar aktivt i diskusjonar

• arbeider med tildelt ansvarsområde/oppgåve mellom møta

• har lyst til å lære masse! 

• har tid til nokre haustfestar og klubbesøk i løpet av året, anten åleine eller saman med andre frivillige eller tilsette

• er stolt over 4H og verdiane organisasjonen står for

• er interessert i å representere 4H på arrangement i regi av andre. Til dømes messer eller konferansar. 

På årsmøtet blir det valt ein leiar, eitt styremedlem (økonomi), eitt styremedlem (skrivar), eitt vanleg styremedlem og 3 varamedlemmer. I utgangspunktet er det leiaren og styremedlemmane som utgjer styret og har stemmerett på møta, men det svært vanleg å inkludere også varamedlemane i arbeidet. I vårt fylke blir alle innkalla til styremøta og varamedlemmer engasjerer seg gjerne i arbeidsgrupper. 

Alt styret vedtar og gjer, er eit felles ansvar.

Økonomi 

• rapporterer til styret om økonomisk status på kvart styremøte
• har oversikt over og kontakt med alle som har økonomiansvar i prosjekt/arrangement/tiltak 
• har tilgang til alle underbudsjett og ser at desse blir fulgt opp og justert
• får tilsendt rapportar frå rekneskapsførar
• årsavslutning
• leier arbeidet med å utarbeide budsjettforslag
• presenterer årsrekneskapet på årsmøte
• har kontakt med rekneskapsførar 

Skrivar

• ansvar for å skrive referat frå styremøta
• følger med på at nettsida alltid er oppdatert. Seier frå til tilsette dersom noko bør utbetrast
• passar på at blir utarbeida planar for publisering på sosiale media
• passar på at det blir utarbeida ein informasjonsplan for fylke og passer på at denne blir fulgt 
• leier arbeidet med årsmelding

For eit best mogleg samarbeid, treng styret å fordele oppgåver. Like etter årsmøtet deler styret roller og ansvarsområder mellom seg. Styret kan i tillegg engasjere andre frivillige til ulike oppdrag. Fordelinga skjer etter interesse og kompetanse.

Nestleiar 

• er leiaren si høgre hand og samtalepart. Er leiaren borte, er det nestleiar som leier møtet
• hjelper til og overtek gjerne nokre oppgåver, dersom leiar har for mykje å gjere
• held seg oppdatert

4H-gard

• passar på at 4H-garane i fylket er synlege i sine informasjonskanalar
• passar på at fylket alltid har fokus på rekruttering av nye gardar
• passar på at alle 4H-gardane er godkjent (godkjennes for 5 år om gongen)
• følger med på det som skjer i 4H-gård Norge
• ansvar for at styret alltid er oppdatert i forhold til 4H-gardsarbeidet

Varamedlem

• er ein fin rolle dersom du er heilt fersk i organisasjonsarbeid
• har berre stemmerett på møta dersom styremedlem(ar) ikkje er til stades
• blir i fylket vårt kalla inn til alle møter og inkludert i arbeidet

Kursadministrator for Superhelg (gjerne to personar)

• har god kontakt med fylkesstyrerepresentant/ 4H-kontoret før og under kurset
• skaffer instruktørar den informasjonen dei treng før, under og etter kurset
• held oversikt over deltakarlister og liknande under kurset
• har kontakt med arrangørklubben før, under og etter kurset 

Vervegruppe 

• utarbeider vervestrategi 
• arbeider for å auke tal medlemar, klubbar og 4H-gardar 
• arbeider for å auke tal deltakarar på arrangement i regi av 4H Hordaland

Synleggjeringsgruppe

• Ta kontakt med PR-ansvarleg for kvart fylkesarrangement for å høyre om dei treng bistand eller råd

• Stiller gjerne på oppdrag for å synleggjere ulike tiltak både i klubb og i fylket

• syt for at planar for publisering på sosiale media blir gjennomført

I tillegg til dette, dukkar det opp prosjekt og tiltak gjennom året. 

Ordførar 

• leier fylkesårsmøtet etter gjeldande vedtekter og tradisjon

Kontrollkomiteen (3 personar)

• kontrollere at arbeidet i fylkesstyret går slik som det skal. Det inneber å lese gjennom referata, og andre utsendte dokument som kjem på mail gjennom heile året
• kontrollere økonomien til fylket og sjå om dei syns pengebruken er tilfredsstillande
• før årsmøtet skrive ei utgreiing om korleis dei syns arbeidet til fylkesstyret har gått, samt korleis økonomien går.
• føreslå ein ny kandidat til valkomitèen (sit i 3 år), samt eitt varamedlem (sit for 1 år)
• Minst eit medlem i komiteen må vere til stades på årsmøtet for å leggje fram utgreiing og forslag til valkomitè

Leiar

• er øverste sjef i styret

• er eit førebilete og synleg leiar for medlemane i fylket

• har tett samarbeid med nestleiar 

• har ansvar for å skape godt samarbeid i styret 

• syt for at ting som er bestemt, faktisk blir gjennomført

• er den som tenker overordna og langt fram; korleis vil vi at 4H skal vere om 5 år?

• kallar inn til styremøta og førebur sakene

• syt for at møta blir leia på ein god måte

• representerer fylkesleddet eksternt (uttaler seg på vegne av fylkesstyret)

• har prokurarett (kan signere på til dømes avtalar og søknader)

• har tett samarbeid med regionkoordinator

• har tett samarbeid med organisasjonsrådgjevaren i fylket med ansvar for å følge opp styret 

• deltar på møter med kontaktperson i sentralstyret (4H Norge)

• deltar i ulike samarbeidsforum med dei andre fylkesstyreleiarane