Til
4H-klubbane
Medlemsorganisasjonane
4H-fylkesstyret
Fylkesmannen, Landbruksavdelinga
SOFA, Sogn og Fjordane 4H-alumnklubb
Valnemnda

                                                                                                                     Førde 13. desember 2019


Innkalling til fylkesårsmøte i 4H Sogn og Fjordane

4H Sogn og Fjordane kallar inn til fylkesårsmøte i Gaularhallen, Sande i Sunnfjord
søndag 9. februar.

4H-klubbane kan møte med 2 representantar med røysterett. I tillegg kan dei møte med observatørar.
Viser til normalvedtektene for 4H-klubbane, §5 Årsmøtet.
f. Val for eit år av:
- 2 representantar med vararepresentantar til årsmøtet for 4H i fylket.

Sakliste:

1. Opning
2. Namneopprop
3. Godkjenning av innkalling og sakliste
4. Val av to til å skrive under protokollen
5. Forretningsorden for årsmøtet
6. Årsmelding 2019
7. Rekneskap 2019
8. Årsplan for 2020 og 2021
9. Fastsetjing av refusjon og godtgjersle til fylkesstyret
10. Justering av budsjett for 2020
11. Budsjett 2021 og 2022
12. Vedtektsendringar
13. Gruppearbeid Landsleir 2022
14. Årsmøteuttale
15. Tilsetjing av revisor
16. Val
A. Ordførar og varaordførar
B. Leiar og fylkesstyre
C. Vararepresentantar til fylkesstyret
D. 3 representantar med vara til Landsårsmøtet i juli 2020.
E. Valnemnd
17. Avslutning


Praktisk informasjon:

Registrering og oppmøte til årsmøtet er frå kl. 09.15. Årsmøtet startar kl. 10.00 og vil verte ferdig ca. kl. 15.00. Det bli lunsj under møtet.
I førekant av årsmøtet er det SUPERHELG i 4H med styrekurs for medlemmar i klubbstyra. Årsmøtet er ein del av den demokratiske opplæringa under styrekurset og er obligatorisk for alle deltakarane.
Registrering til årsmøtet må de gjere klubbvis ved ankomst.

Det er også mogleg å møte berre på årsmøtet for representantar frå 4H-klubbane.
Pris:
Kr 900,- for styrekurs og årsmøte
Kr 250,- for berre årsmøte
Faktura blir sendt til klubbane, som òg betalar reisekostnader.

Påmelding:

For dei som berre skal møte på årsmøtet gjer de påmeldinga ved å sende e-post med namn, adresse og klubbnamn/organisasjon til kari.anne.arset@4h.no

For dei som skal delta på Superhelg er det personleg påmelding via ”Min side” (oppe i høgre hjørnet) på heimesida www.4h.no/sognogfjordane. Legg inn medlemsnummeret ditt og passord.
Merk: Hugs å melde deg på rett kurs! Du som skal på styrekurs melder deg på «Superhelg styrekurs» og det delkurset du skal delta på (leiar, sekretær, kasserar,ny i klubbstyret, årsmøtekurs, trivselskurs eller friluftshelt). Legg også inn eventuelle allergiar, sjukdomar e.l.
Kryss også av for om du ynskjer å få tilsendt årsmøtepapira i posten, viss ikkje får du dei på e-post.
Du er automatisk påmeldt fylkesårsmøtet om du ikkje gir melding om noko anna.

Påmeldingsfristen er 23. januar.

Sakspapira vert sendt til dei påmelde deltakarane ca. to veker før årsmøtet. Sakspapira og vedtektene til 4H Sogn og Fjordane kan du òg laste ned på nettsida vår.

Vel møtt!

Med helsing 

Dianne Eikås                             Eirik Hortemo Vikøren
Ordførar i fylkesårsmøtet       Leiar



Medlemsorganisasjonar i 4H Norge

Det kgl. Selskap for Norges Vel
Det Norske Hageselskap
Det Norske Skogselskap
Norges Bygdekvinnelag
Norges Bondelag
Norges Bygdeungdomslag
Norges Fiskarlag
Norges Jeger- og Fiskerforbund
Norges Skogeierforbund
Norsk Bonde- og Småbrukarlag
Nortura
Felleskjøpet
Tine BA
Sparebankforeningen
Norsvin
Noregs pelsdyralslag
Honningsentralen A/L
Hoff Norsk potetindustri
Geno
A.L. Gartnerhallen
TYR
Norsk Sau og Geit

1 representant frå fylkesleddet i kvar medlemsorganisasjon til 4H Norge møter i Fylkesårsmøtet (§ 2 i vedtektene), utan røysterett.

4H Sogn og Fjordane har i tillegg Nordfjord Hesteavlslag som medlemsorganisasjon.