Laurdag 5. november møttest 90 festkledde gjestar på Kløvertun-Os Sanitetsforening, på Os, for 4H-årets mest høgtidlegaste hending, Plakettfest. Heidersgjestane var dei 34 ungdommane som fekk tildelt 4H-plaketten, ei utmerking som heng høgt i organisasjonslivet. Dette er ungdom som ein seinare ser att i leiande samfunnsposisjonar, og mange av våre mest kjente politikarar har 4H-bakgrunn.  Det er i år 52 plakettmottarar frå 23 av Hordalands 35 4H-klubbar.

Kvelden bød på middag, underhaldning og festtalar. Årets talarar var plakettmottakar Hjalmar Ølvestveit frå Solglimt 4H/ Lauvsprett 4H,  forelder Elin Klette frå Raggsokkjen 4H, alumnklubben H.A.N.S.A. representert ved Anita Lunde, og fylkesstyret i 4H Hordaland representert ved nestleiar Lisa Jonetta Ølvestveit.  Plakettane vart overrekt til stolte 4H-arar av varaordførar i Ullensvang kommune, Kjellaug Hoås Samland.

Kveldens konferansierar var fylkesstyrerepresentantane Lisa Jonetta Ølvestveit og Steffen Stråtveit, dagens kokk var Venke Ølvestveit, klubbrådgjevar i Lauvsprett 4H, og hjelparar/servitørar var 4H-arane Linn Kristin Soltveit, Jakob Johan B. Solberg, Elisabeth Haagensen, Ingrid Otnes og Anita Lunde.

Kvelden blei avslutta med fotografering av plakettmottakarane av Vassbrekko Foto- Øyvind Sæbø.

 

Foto av alle plakettmottakarar med ordførar

Foto av alle plakettmottakarar

Foto av plakettmottakarar frå Hardanger

Foto av plakettmottakarar frå Voss

Foto av plakettmottakarar frå Nordhordland

Foto av plakettmottakarar frå Sunnhordland