Det blei mykje 4H -aktivitet på Voss da 4H Hordaland arrangerte styrevervsopplæring, inspirasjonssamling og årsmøte på same helg.
Årsmøte
Med 133 deltakarar frå 27 klubbar vart det eit stort engasjement på 4H Hordaland sitt fylkesårsmøte på Voss søndag 9. februar.
Her vart rekneskap og ein flott årsmelding lagt fram og godkjend. Ny handlingsplan og årsplanar og budsjett for 3 år fram i tid vart vedteke. Eit av temaene på årets årsmøte var korleis 4H Hordaland skal forvalta sine pengar, ettersom dei i år fekk eit fint overskot, mykje pga. årets landsleir på Voss. Fylket mangla arrangør til fleire av leirane i år. Men da årsplan 2025 vart vedteke sto Lid 4H og Spretten 4H som arrangørar for fylkesleir, og Stronde 4H skal ta ansvar for distriktsleiren for Voss, Ulvik og Granvin.
Nytt styre i 4H Hordaland:
Leiar: Vilde Sylta Kvamme
Styremedlem med økonomiansvar: Tuva Helland
Styremedlem med skrivaransvar: Agathe Ølvestveit
Styremedlem: Marius Skar Kolås
Styremedlem: Aasmund Skarveland
1.varamedlem: Camilla Solberg
2. varamedlem: Vinjar Vrålstad Hole
3. varamedlem: Astrid Frøysnes Flaa
Stronde 4H vart kåra til Årets klubb etter å gjennomført eit flott og aktivt 4H.
Etter årsmøtet vart Jostein Ljones takka av som ordstyrar etter over 10 år i vervet.
Styrevervsopplæring
100 medlemmar frå heile fylket deltok på styreversopplæring. Gjennom kursa fekk deltakarane eit innblikk i korleis vere ein god leiar for klubben, skrive gode referat, føra rekneskap og korleis styremedlem bør kunne litt av alt innan styrearbeid. Her var læringskorga bratt, men tilbakemeldingane har vore gode.
Dei medlemmane som hadde gjennomført eit kurs i sitt verv tidlegare, kunne melde seg på friluftsheltkurs eller årsmøteseminar.
Dyktig 4H hadde det tekniske ansvaret for styrevervskurset i helga, og dei gjorde ein flott jobb for at alle skulle ha gode rammer for å lære om styreverv sitt. Her var alt på plass , gode kursrom, mat for svoltne kroppar, gymsal til leik og moro, og klasserom kor medlemmene kunne sova i.
Marius Skar Kolås og Vilde Sylta Kvamme var kursadminstratorar, og dei hadde full kontroll over alt og alle. Alumnar stilte som vanleg opp som instruktørar og sosiale bidragsytarar. Kjekt å sjå kor flinke dei er til å lære bort og hjelpa medlemmene som er på kurs.
Kursadministrator Marius Skar Kolås og Vilde Sylta Kvamme
Leiar nybyrjar Åsmund Skarveland og Vinjar Vrålstad Hole
Skrivar Miriam Solheim og Anna Kaspara Lægreid Rinaldo
Kasserar Steffen Stråtveit
Styremedlem Agathe Ølvestveit og Espen Aaserød
Årsmøteseminar Andreas Ølvestveit
Friluftshelt Astrid Frøysnes Flaa, Adrian Ystanes Djønne og
Benjamin Øvrevoll Disselhorst
Alumnar og hjelparar: Sigurd Lorvik Hansen og Elisabeth Rydland Sæbø
Inspirasjonssamling
40 klubbrådgjevarar gjennomførte inspirasjonssamling med besøk av sentralstyreleiar Martin Homen, Lene Nilsen frå FFO (Funksjonshemmedes Fellesorganisasjon), og speidarane Georg Instefjord og August Kjærland som lærte oss alt om bål. Kursadministrartorar for helga var Janniche Næss Bergås og Turid Sandstad Herland.
Ein flott og sosial gjeng fekk mykje tid til å snakka saman om kva som skjer i dei ulike klubbane, og dei ga kvarandre tips og råd frå eiga erfaring.