Inspirasjonssamling for klubbrådgjevarar

Helga fredag 7. - laurdag 8. februar ønskjer 4H Sogn og Fjordane klubbrådgjevarar og vaksne medhjelparar velkomen til Inspirasjonssamling på Flatheim 4H-gard på Viksdalen. Dette er ein del av Superhelga som 4H arrangerer på Viksdalen denne helga. Det vert halde styrekurs og friluftskurs for ungdomar i medlemsalder på Viksdalen skule, Inspirasjonshelg for klubbrådgjevarar og medhjelparar på Flatheim 4H-gard og det heile vert avslutta med Årsmøte for 4H Sogn og fjordane på Viksdalen skule søndag 9. februar klokka 10:00. 

Flatheim 4H-gard er ein aktivitetsgard som arrangerer ulike tilstellingar, turisme og overnatting. Garden er bygd opp av fleire eldre bygningar som er restaurert, pussa opp og sett inn i eit sams tun. Ingen rom er like. Der kan vere rom med to senger, og sovesalar med fleire senger på same rom. Her vil vi altså rekne med å leve tett saman, og med 25 senger på Flatheim og nokre fleire senger i vinterisolerte campinghytter i nærleiken kan vi tilby sengeplass til 46 personar, men her vert ikkje mogeleg med einerom. Dette vert som å vere på leir om vinteren og sove inne! 
Les meir og sjå dei fine sommarbileta på: Flatheim gard - Gaularfjellet

Inspirasjonssamlinga 2025 legg altså til rette for at klubbrådgjevarane kjem tett inn på kvarandre og skal bli godt kjende. I tillegg vert det sjølvsagt fagleg påfyll, erfaringsutvekslingar og høve til å få lufta utfordringar ein støyter på og drøfta korleis ein best kan løyse dei.  

I programmet, som du ser nedanfor, legg vi opp til desse emna: 

• Informasjon om det nye 4H-løpet, prosjektplattformen og poengsystemet som var nytt i 2024. Det har vore ein del spørsmål rundt dette frå klubbrådgjevarar. Vi har då vore så heldige og fått invitert Linda Liem frå 4H Norge. Ho er rådgjevar i prosjektplattformen og ei veldig triveleg og engasjert dame.

• Friluftslivets år 2025 – korleis vil vi markerer vi dette. 4H er mellom anna ein friluftsorganisasjon og det vil vere stas om alle klubbar markerer dette på eit eller anna vis. 

• Kvar skaffar vi pengar til alt? – Vi prøver oss med eit lite søknadsskrivekurs og gjev gode råd til kva ein bør ha med i søknaden for å «treffe» og få søknaden gjennom. 

• I tillegg er det lagt opp til at der skal vere rom for sosiale aktivitetar, prat rundt borda og så håpar vi at veret ikkje set stoppar for aktivitetar ute også. 

Pris: kr 2700,-

Har du lyst å delta, men ikkje overnatte? Det kan du! Pris: kr 1700,-

Skal du delta på årsmøte i 4H Sogn og Fjordane? 

Meld deg på via denne linken: Årsmøte i 4H Sogn og Fjordane

Når du melder deg på er det fint du legg inn 4H-klubben din som "annen betaler"

Påmeldingfrist: 19. januar

Spørsmål: Ta kontakt med Dianne tlf 91 84 16 57 eller Cathrine tlf 90 71 59 24 

Vi ønskjer alle hjarteleg velkommen til Inspirasjonshelg i historiske omgjevnadar på Flatheim 4H-gard på vakre Viksdalen.

Helsing  

Cathrine, Helene og Dianne