Årsmøte og julebord i Sogn og Fjordane Alumnklubb 2024 
16.-17. november i Fjærland. 

Innhald

Innformasjon
Program
Pris
Overnatting
Påmelding og avmelding
Kontakt
Saksliste til årsmøtet

Informasjon


16.november samlast vi på bygdehuset i Fjærland (Adr.: Supphellevegen 54) Her inviterer SOFA-styret alle alumnar og plakettmottakarar til å vere med på årsmøtet!

Sakslista ligg nederst på heimesida.
  

Etter årsmøtet blir det som vanleg arrangert SOFA julebord, som skal vere på same staden som årsmøtet. Årsmøtet er ope for alle alumnar og plakettmottakarar i Sogn og Fjordane, men også ope for alumnar som ikkje er frå Sogn og Fjordane!

Program:

12:30 - Oppmøte
13:00 - Årsmøtet startar
15:00 - Lunsj
18:00 - Julebordet startar
19:00 - Underhaldning

Vi kler oss opp i finklede og det vert servert julemiddag og dessert. Etter maten vert det litt selskapsleikar, musikk, dans og hygge.

Pris?

I prisen er mat på julebordet inkludert. Etter maten blir det ikkje servert noko drikke, så de må sjølv stå for drikke til kvelden.  

Alumn: 275,- 
Plakettmottakarar:100,- 

Om du kun deltar på årsmøtet er dette gratis
 

Overnatting?

Det er muligheit å for å sove på bygdehuset dersom ein ønsker det, hugs da å ta med liggeunderlag og sovepose. Hugs å krysse av for overnatting når du melder deg på om du ynskjer dette.
 

Påmelding og avmeldings frist:

Fristen for å melde seg på er søndag 10.November. Påmelding er bindande.

  

Årsmøtet er ope for alle alumnar og plakettmottakarar i Sogn og Fjordane, men også ope for alumnar som ikkje er frå Sogn og Fjordane. Alumnar og plakettmottakarar frå Sogn og Fjorande har røysterett, mens alumnar og plakettmottakarar som ikkje kjem i frå Sogn og Fjorande har ikkje røysterett. 
 

Kontakt

Har du spørsmål er det berre å kontakte sekretær i SOFA. 
 

Med helsing 

SOFA-styret ved 
Maria Cecilie Nesheim Aardalsbakke 
-sekretær 
Mail: mariacecilieaa@gmail.com 
Mob: 40317188 
 

Saksliste

INNKALLING TIL ÅRSMØTE FOR SOFA 
Det vert med dette kalla inn til årsmøte i Sogn og Fjordane Alumnklubb, laurdag 16.november i bygdehuset i Fjærland. 

Opning v/leiar Michal Niedzwiecki 
 

Sak 01: Konstituering av årsmøte 
Sak 01.1: Godkjenning av innkalling og sakliste 
Sak 01.2: Val av ordstyrar 
Sak 01.3: Val av to referentar 
Sak 01.4: Val av to til å skrive under protokollen 
Sak 01.5: Val av tre personar til teljekorps 
Sak 01.6: Godkjenning av forretningsorden 

Framlegg til vedtak: Årsmøtet godkjenner framlegget til forretningsorden 
Framlegg til forretningsorden: 

  

1. Samansetjing, tale framlegg- og røysterett 
-    Alle som er på møtet får talerett. 
-    Frammøtte medlemmer av SOFA, plakettmottakarar og alumnar frå 4H Sogn og Fjordane har framleggsrett og røysterett. 

  

2. Taletid, replikkar 
-    Avgrensing av taletida kan innførast av årsmøtet etter framlegg frå ordstyrar eller årsmøtedeltakarar 
-    Ordstyrar har rett til å føreslå avgrensingar i taletid og høve til replikk, og setje strek. 
-    Den som ønskjer ordet, melder seg ved å vise éin finger for innlegg, to fingrar for replikk. 
-    Den som har bedd om ordet brukar talarstolen. 

  

3. Om handsaming av saker 
-    Framlegg må leverast skriftleg til ordstyrar, underteikna med forslagsstillar sitt namn. Det er ikkje høve å ta opp noko nytt framlegg etter at det er sett strek. 
-    I protokollen vert ført framlegg, talar, avstemmingar og vedtak. 
-    Dersom det er mange framlegg i ei sak kan årsmøtet setje ned ei redaksjonsnemnd. 

  

4. Reglar for avrøysting 
-    Dersom ikkje anna er sagt i vedtektene vert sakene avgjort med absolutt fleirtal (meir enn halvparten av røystene). 
-    Dersom der kjem fleire framlegg til ei sak, skal først benkeframlegga setjast opp mot kvarandre og stemmast over til ein sit att med eit framlegg. Dette framlegget vert sett opp mot det originale framlegget og votert over. 
-    Ordstyrar eller utsendingar kan krevje skriftleg røysting. 
-    Det skal vere skriftleg val på styreleiar. Ved andre personval skal det vere skriftleg dersom det er framlegg om meir enn ein kandidat. 
-    Alle med røysterett som forlet møtesalen under møtet, skal gi beskjed til ordstyrar slik at hen alltid har full oversikt over kor mange med røysterett som er til stades. 
 

Sak 02: Årsmelding 

Sak 03: Årsplan 2025 

Sak 04: Rekneskap og budsjett 

Sak 05: Val 
Sak 05.1 Val av styre 

Ved årsmøtet 18.11.23 vart følgjande styre valt: 

Leiar: Michal N. (NY) 
Nestleiar: Ingrid N. (IKKJE PÅ VAL) 
Sekretær: Maria Cecilie N. A. (NY) 
Kasserar: Jarand S. O. (NY) 

Styremedlem: Ole K. E. S. (IKKJE PÅ VAL) 
1. vara: Evi S. S. (NY) 
2. vara: S. J. (NY) 
3. vara: Iren Ø. (NY) 

Nytt styre: 

Leiar:  
Nestleiar:  
Sekretær: Maria C. N. A. (IKKJE PÅ VAL) 
Kasserar: Jarand S. O. (IKKJE PÅ VAL) 
Styremedlem:  
1. vara:  
2. vara:  
3. vara:  
Valnemnda har ikkje komme med instilling til nytt styre innen utsending av sakliste. Blir lagt ut fortløpande 

  

Sak 05.2: Val av revisor: 
Sak 05.3: Val av valkomité 

Tidlegare valkomite: 
Cathrine R. 
Ingebjørg H. 

Ny valkomite: 
Ingebjørg H. (IKKJE PÅ VAL) 
Ingen instilling på dei resterande plassane innan utsending av sakliste 

Sak 06: Vedtektsendringar 
Det er ikkje kome inn framlegg til vedtektsendringar innan fristen. 

Sak 07 Innkomne saker.
Dersom du har nokre saker du vil ta opp, så må dette sendast inn til styret seinast 6.november.

  

Sak 08 Ymse 
08.1: Endring av slagord 
08.2: Klubbgensar