- Arrangør:
- Nordfjord
- (heldags)
Leir
jun
Snøklokka 4H og 4H Sogn og Fjordane går saman om å lage årets beste leir. Påmeldinga er no open!
Lokasjon
Program
Aktivitetar
Praktisk Informasjon
Påmelding
Påmelding til vaksenleiar
Spørsmål?
Litt om fylkesleir 2026
Vi er snart klare for eit av årets store happening, nemleg Fylkesleir! Snøklokka 4H og 4H Sogn og Fjordane inviterer til fylkesleir på Vill Vest Vereide! 🤠🎉
Lokasjon
I år er vi så heldige å ha jubileumsklubben Snøklokka 4H som medarrangør. Derfor blir årets leir på Vereide i Nordfjord📍
Program
| 14:00 | Offisiell opning |
|---|---|
| 15:00 | Tryggleiksøving |
| 17:00 | Middag |
| 18:00 | Tunsamling - Bli kjent |
| 19:00 | Leiar/tunsjefsamling |
| 20:00 | Underhaldning - Open scene |
| 21:00 | Kveldsmat |
| 22:30 | Leirkontoret stenger |
| 23:00 | Ro i teltleiren |
| 07:30 | Vekking |
|---|---|
| 08:00 | Frukost |
| 09:00 | Morgonsamling |
| 09:30 | Avreise til aktivitet |
| 17:00 | Middag |
| 18:00 | Tunsjefsamling |
| 18:30 | Tunsamling |
| 20:00 | Underhaldning - Open scene |
| 21:00 | Kveldsmat |
| 21:30 | Leiarsamling |
| 22:30 | Leirkontoret stenger |
| 23:00 | Ro i teltleiren |
| 07:30 | Vekking |
|---|---|
| 08:00 | Frukost |
| 09:00 | Morgonsamling |
| 09:30 | Tevlingsdag |
| 12:30 | Lunsj |
| 13:00 | Offisiell opning av Aspirantleir og Open dag |
| 13:30 | Tevlingar fortsett |
| 14:00 | Aspirantaktivitet |
| 16:00 | Takk til sponsorer og avslutning Open dag |
| 16:30 | Tunsjef |
| 17:00 | Middag |
| 18:00 | Tunsamling |
| 21:00 | Kveldsmat |
| 21:30 | Underhaldning frå scena |
| 22:30 | Leirkontoret stenger |
| 23:00 | Leiarsamling |
| 00:00 | Ro i teltleiren |
| 07:30 | Vekking |
|---|---|
| 08:00 | Frukost |
| 09:00 | Morgonsamling |
| 09:30 | Pakking, riving av leir og rydding |
| 11:00 | Finalar i tevlingar |
| 12:00 | Premieutdeling |
| 12:30 | Lunsj |
| 13:00 | Avsluning og heimreise |
Aktivitetar
| Aktivitet | Aldersgrense | Plassar | Eigenandel | Beskrivelse av aktivitet |
|---|---|---|---|---|
| Båtliv | Alle | 20 | 150 | Dagen vert todelt: Gloppen padleklubb lagar eit opplegg som inneber grunnleggande innføring i kajakkpadling, som å entre kajakken, padle, styre, kome seg ut av kajakken ved velt. Nordfjordbåtlaget vil gje deg ei innføring om gamle trebåtar, og du møøøter Roar som lærer deg .. å ro 😉 ein skikkeleg flott trebåt som vert kalla færing. Dersom vi får god vind, kan du få segle med ein seksring. Sjølvsagt vil du få god tid til å prøve fiskelykka. Dette vert garantert ein våt dag, med god stemning og mykje leik og moro med ulike båttypar. Bål og varmmat midt på dagen. TA MED: Ekstra klesskift frå topp til tå, då det fort kan bli ein velt eller to ;-) Anbefalar ullundertøy med regnbukser utanpå. Dersom du har badesko kan du bruke det, men sko uten lisser går og bra (eller barbeint). Ei god jakke til roturen. Handkle, ekstra sko, sitjeunderlag og grillpinne er lurt. Om du ynskjer, så kan du ta med deg fiskeutstyr, eller du kan låne med Nordfjordbåtlaget ;-) |
| Leiravis | Alle | 5 | Her får du sjansen til å vere journalist og fotograf for ein dag. Likar du å ta bilde, skrive tekstar eller drøymer om å intervjue folk, så får du sjansen å vere redaktør for den offisielle leiravisa 2026!! Du får reise rundt på ulike aktivitetar som skjer rundt om i kommunen, møøøøøte mange kuule folk, og lage ei heilt unik leiravis. Avisa vert gitt ut under Open dag! TA MED: God fantasi og mobiltelefon til å ta bilder + ladar | |
| Fjøs- og meieribesøk | Alle | 30 | Har du nokon gong tenkt på korleis mjølk og ost vert produsert? På denne aktiviteten vil du lære mykje om gardsarbeid og osteproduksjon. Du får omvisning i det svære anlegget til Tine meieri, og får ei innsikt i noko av produksjonen, og litt smaksprøve .. Etter lunchen besøkjer du ein av dei største gardane på Breim, og du får sjå korleis gardsarbeidet føregår i morderne fjøsar med mjølkerobotar, og anna utstyr. På garden får du helse på dyra og hjelpe til med nokre oppgåver. På den eine garden er det hest; kanskje du får prøve å ri ? TA MED: Kle som toler å jobbe i fjøsen og ute. Støvlar. Sekk med drikke og matpakke. | |
| Stisykling | Alle | 10 | 200 | På Vereide finst det ein 2 km lang sykkelsti med kular, doserte svingar og alt du kan tenke deg når det kjem til sykkelsti. Løypa i stisenteret passar for alle, og er ein perfekt plass for ein aktiv dag. Her får du ein innføring i stisykling, samt nyttige tips for å perfeksjonere ferdigheitene saman med den proffe instruktøren Bjørn. Vi syklar frå Haugtun til Nordfjord stisenter. Etter fleire timar med sykling med fart og spenning i sykkelløypa, reiser vi til skogs og prøvar ulike løyper i terrenget. Vi møøøøøøter ein annan gruppe som har laga nydeleg lunch på bål til oss. Deretter syklar vi vidare i terrenget. Sykkelleige av gode syklar, samt nydeleg lunch/bålmat ligg inne i eigenandelen. https://www.nordfjord.no/nordfjord-stisenter https://friluftslivskulen.no/magasin/stisykkelsenter/ TA MED: Gode kle til ein aktiv dag ute. Hanskar, drikkeflaske, ein liten matpakke/frukt, sitjeunderlag |
| Kort tur og mat på bål | Alle | 20 | Ein lett tur som går langs veg og sti. Det vert natursti og diverse moro på vegen oppover. Framme ved dei kuule gapahukane får du i oppdrag å kløyve ved, og eit lite bålkurs for å lage det optimale bålet. Så startar matlaginga som resulterar i nydeleg middag med bålsteikt brød. Sjølvsagt lærer du å kokkelere ein nydeleg båldessert også. Og vi møøøøøter på ei anna gruppe som kjem og et lunch med oss 😉 På slutten vert det tid til å leike i skogen, og kanskje nokre morosame konkurransar før vi traskar tilbake til Haugtun TA MED: Tursekk med fat, bestikk, kopp/glas, sitjeundelag, drikkeflaske, kle etter veir, samt ein ekstra fleese/ullgensar. | |
| Tur (mellom) Haugsvarden | Alle | 20 | Turen startar ved parkeringsplassen ved Tystadstøylen, og allereie her vert du slått av panoramautsikta til vakker natur og full oversikt over både både flyplass og ferge. Turen går vidare i fint terreng med lett stigning på god sti i 3,5 km til toppen av Haugsvarden. På vegen opp passerer du Tystadstøylen og Lomsvatnet, og du får flott utsikt til fjorden på heile turen, og frå toppen ser du både i retning Stryn, Eid og Gloppen. Tidsbruk: ca 4-5 timar inkludert litt pausar oppover, og god pause på toppen. Haugsvarden | Visit Nordfjord Haugsvarden - Fjord Norway TA MED: Kle etter vèr og temperatur, gode tursko og gjerne vindjakke. Sekk med ekstra kle, sitjeunderlag, ein god matpakke og frukt, drikke og kanskje tursjokolade/kjeks. | |
| Tur (krevjande) Eggenipa | Fjellvande | 15 | Har du køyrt gjennom Gloppen, så har du garantert sett denne særprega fjelltoppen, som også var eit av måla til deltakarane i Voktaren 2026. No har DU sjansen til å kome deg til topps! Dette er ein bratt, lang og krevande tur, som krev at du toler høgde, klatring i tau, og at du er erfaren med lengre turar. Men det er vel verdt strevet, og vert belønna med ei fabelaktig utsikt og mestringskjensle. https://www.ut.no/turforslag/1112154777/fottur-til-eggenipa-rundtur https://www.eggenipa.no/ TA MED: Sekk, sitjeunderlag, drikkeflaske, matpakke, tursjokolade, varme kle, behagelege kle og gode sko. | |
| Tradisjonsmat | Alle | 20 | På denne aktiviteten vil då få ein dag full av godlukt og spennande smakar. Her får du prøve deg på å lage lage tradisjonsmat som t.d. potetkake og lefse, men teste ut spennande fyll av både søtt og salt. Du er også med og lagar ein ein varm og smakfull lunch, og får prøvt seg på litt ymse arbeidsoppgåver som høyrer kjøkenet til. NB: Lunch kl 13.00 saman med volleyballgjengen (15 stk) TA MED: Forkle | |
| Golf | Alle | 20 | 150 | Er du klar for ein dag full av golf og frisk luft, så meld deg på her! Dette vert ein innhaldsrik dag der de får grunnleggande introduksjon i golf. De vert delt i grupper, og du får ei innføring i putting, chipping og lære deg å slå på drivingrangen. Så får du spele på den flotte golfbana utover dagen. TA MED: Sekk med drikke og matpakke. Ellers er det fint med joggesko eller gortex om det er vått. I tillegg kle etter vèret. https://www.sandanegolf.no/ |
| Knute på tråden? | Alle | 20 | Er du klar for ein kreativ dag? Her får du prøve deg på to ulike aktivitetar. Husflidlaget vil lære dåkke grunnleggande teknikkar innan knyting av tau, og de vil lage ein spesiell knute som heiter apeneve. I tillegg får de bruke diverse utstyr som sandpapir, penslar, måling, hammar og spikar, tråd. Dette vert til kreative spikarbilder. Etter denne dagen vil du ta med deg fine, sjølvlaga produkt heim. TA MED: Kle til å vere ute. Matpakke og drikkeflaske. | |
| Kreativ strikk | Alle | 12 | Er du glad i å strikke? På denne aktiviteten frå du møøøøøøte andre strikkeglade. Du får du moglegheit til å finpusse på ferdigheitene, eller hjelp til å lære nokre nye ting. Denne dagen skal du få strikke din eigen kanin. | |
| Klatring | Bør ha klatra før | 8 | 200 | På Sageflåten i retning Breim, ligg eit av Noreg sitt mest attraktive felt for å klatre ute. Her kan DU få ein lærerik og aktiv dag i flott natur med utsikt over Breimsvatnet. Saman med dyktige instruktørar frå Nordfjord klatreklubb frå du kursing og innføring i sikring og smarte klatreteknikkar. Her kan du utfordre deg sjølv, og boltre deg i ein spennande fjellvegg. Men det er ein fordel om du har klatra litt før. TA MED: Gode kle til å vere aktiv og ute ein heil dag. Ekstra varme kle i sekken. Sitjeunderlag, drikkeflaske, matpakke, frukt, turkjeks. |
| Volleyball | Alle | 16 | Er du glad i volleyball, og har lyst å lære meir eller finspisse ferdigheitene? Denne dagen vil du møøøte to unge instruktørar som lærer deg det meste av grunnleggande ferdigheiter, reglar og nyttige tips innan volleyball. Du får leike deg og teste ut gjennom morosame øvingar. Du får god tid å finspisse ferdigheiter som fingerslag, baggerslag, serving, smash og blokking. Dette vert rett og slett ein dag full av moro, nye bekjentskap og volleyballforbund. I tillegg får du servert ein nydeleg lunch midt på dagen. Kan det bli betre, spør vi? Ta med: Kle etter ver, gode sko og varme kle til sin dag ute, drikkeflaske og frukt | |
| Kreativ redesign | Alle | 15 | 200 | Likar du å sy og vere kreativ? Er du engasjert i gjenbruk, miljø og berrkraft? På denne aktiviteten blir du kjend med Eva Sessford, som eig og driv Upscale, ein gjenbruksbutikk utanom det vanlege. Ho vil lære deg grunnleggande teknikkar på symaskin. Du får boltre deg i gjenbrukstekstular, og lage noko brukt om til nokon nytt og spennande! Etter denne dagen får du med deg eit sjølvprodusert minne heim frå leiren. Ta med: Matpakke og drikkeflaske |
| Alumnaktivitet | Siste års senior | 24 | Bli med på alumnaktivitet med SOFA. Aktiviteten er for alle alumnar og siste års-senior, ein kan også melde på ein venn eller tidlegare 4H-ar. Dersom ein ønsker å delta på kun alumnaktiviteten og ikkje resten av leiren kan ein kontakte Maria Cecilie Nesheim for påmelding Tlf: 40317188. Kva alumn aktiviteten blir kjem vi tilbake til. |
Praktisk informasjon
Du kan delta på fylkesleir dersom du fyller 12 år eller er eldre i år! Dvs. dei som er født i 2014 eller tidlegare.
Det er viktig at du i påmeldinga gir beskjed om eventuelle allergiar eller noko anna du vil trenge under leiren!
Det kjem eiga påmelding til Aspirantleir i medio april.
Pris:
Deltakar 1100,-
Søsken 900,-
Alumn 600,-
Voksenleiar 600,-
Trivselsagent 550,- (Halvpris av deltakarpris)
Påmeldinga til fylkesleir opnar 07.04.2026!
Påmelding
Påmeldinga til leiren er bindande, så om nokon vel å melde seg av etter at påmeldingsfristen er gått ut – blir ikkje leiravgifta refundert. Er det pga sjukdom kan vedkommande bruke eiga reiseforsikring. Dette fordi vi etter den datoen bestiller mat og aktivitetar.
4H klubbane har ansvar for å sende minst 1 vaksenleiar per 10 deltakar frå sin klubb. Dersom naboklubbar ynskjer det kan dei samarbeide om vaksenleiarar. Som vaksenleiar har du ansvar for medlemane frå din klubb. Dette er ein flott moglegheit til å bli kjent med fleire vaksne og frivillege i 4H.
Som vaksenleiar betalar du ein liten sum for å dekke måltid under leiren.
Har du ikkje medlemsnummer? Då kan du melde deg på via mail til sfj@4H.no
Spørsmål?
Har du noko spørsmål ta kontakt med oss då vel!
4H Sogn og Fjordane kontor: Amalie - 960 96 782
Arrangørkomitè Snøklokka 4H: Frode Lindvik, Assisterande leirsjef - 99350032
Fylkesstyret: Dianne - 918 41 657
Deltakarstøtte
I 4H ønsker vi at så mange som mogleg skal kunne delta på 4H sine aktiviteter og at økonomi ikkje skal vere eit hinder for deltaking. Det er mogleg å søke om deltakarstøtte for aktiviteter, 4H-prosjekt, transport, utstyr og medlemskontingent.
4H Sogn og Fjordane er desverre tom for deltakarstøtte, vi håpar vi snart får inn meir middlar. I mellomtida kan man søke støtte hjå 4H Norge.
Søk deltakarstøtte her: Deltakarstøtte - 4H Norge
Søk deltaktarstøtte her: Deltakarstøtte - 4H Sogn og Fjordane
