No er vi komt til fjellet vi har i leirlogoen, så sjølvsagt skal det vere ein av fjellturane du kan velje som aktivitet under leiren!

Med si spisse form er fjellet blitt eit ikon for fotografar og folk på vandretur. Fjellet ruvar 1338 majestetiske m.o.h. Utsikt, storslått natur, høgdemeter og mjølkesyre er opplevingar du vil ha på turen. 3 parti på turen må forserast med hjelp av kjetting.

I tillegg kan du etter leiren, når du har sydd på buksemerket ditt, sei "eg gjekk på det fjellet under landsleiren på Breim"!

Les meir her

Her treng du fjellsko eller gode tursko, eit vindtett lag med klede (bukse og jakke), bøff og/eller lue, hanskar/vottar, ein ekstra genser, sokkebyte, rikeleg med niste og drikke, og helst litt søtt og salt for dei som skal på langtur. Det er òg lurt å ha ein sekk som er god å bære, som er stor nok til alt dette!