4H Hordaland kallar inn til fylkesårsmøte på Scandic Voss, sundag 9. februar 2025.

4H-klubbane kan møte med 2 representantar med røysterett. I tillegg kan dei møte med observatørar.

Alle deltakarar på styrevervskurs er automastisk påmeldt årsmøte.

Innkalling og sakliste til fylkesårsmøte 4H Hordaland

De er med dette kalla inn til fylkesårsmøtet i 4H Hordaland, søndag 9. februar 2025 i Kulturhuset på Voss. Møtet startar klokka 09.30 og vert avslutta klokka 15.00.

Deltakaravgifta er kr 500,- pr. person. Dette inkluderer lunsj og kaffi på møtet.

Fylkesårsmøtet er samansett av 2 representantar frå kvar 4H-klubb i fylket, ein frå kvar av 4H Norge sine medlems- og støtteorganisasjonar som har fylkeslag i Hordaland/Vestland, og i tillegg ein frammøtt representant frå kvar av desse medlemsgruppene; arrangementsmedlem, kløvermedlem og støttemedlem.

Årsmøtet er det høgaste organet i fylket, og grunnlaget for 4H-arbeidet vert lagt her.

Dersom du eller klubben din har sakar som de ynskjer å diskutere på årsmøtet, må dei sendast inn skrifteleg til kontoret: hordaland@4h.no, innan 31. desember 2024. Her er ein mal for korleis du skal senda inn saken

Sakspapir og vedtekter vert sendt ut seinast 3 veker før årsmøtet pr. e-post til dei påmeldte og klubbrådgjevar A i kvar klubb. I tillegg vert sakspapira lagt ut på heimesida til 4H Hordaland.

Påmeldingsfristen er 10. januar 2025. 

 

Sakliste

for fylkesårsmøtet i 4H Hordaland 2025

Søndag 9.februar, Voss

kl. 09.30 -15.00

Opning

Sak  1. Opprop

Sak  2. Godkjenning av innkalling og sakliste

Sak  3. Godkjenning av forretningsorden

Sak  4. Val av sekretærar og teljekorps

Sak  5. Val av to personar til å skrive under protokollen

Sak  6. Årsmelding 2024

Sak  7. Rekneskap 2024, revisormelding og uttale frå kontrollutvalet

Sak  8. Handlingsplan 2025-2026

Sak  9. Årsplan 2025

Sak 10. Budsjett 2025

Sak 11. Førebels årsplan 2026

Sak 12. Førebels budsjett 2026

Sak 13. Førebels årsplan 2027

Sak 14. Førebels budsjett 2027

Sak 15. Tilsetting av revisorar

Sak 16. Innkomne saker

Sak 17. Uttalar frå fylkesårsmøtet

Sak 18. Val

    • Val av leiar
    • Val av styremedlem
    • Val av varamedlemmar til styret
    • Val av ordførar og varaordførar
    • Val av medlemmar til kontrollnemnda
    • Val av kandidat til valnemnd

Avslutning